ليــــت " مشاعرنا مثل أسامينا.. روايه واقعيه

فهد ينتظر بس فرصه يكلم فيصل عن سمر وجالس يتقلب في سريره ومو مشتهي يروح الشغل

إلا بفتحه الباب بقوه :- يا زفت قوم لشغلك بدل الكسل هذا

فهد جلس :- اليوم ما راح أداوم تعبان شوي

أبو فيصل وهو معصب :- تعبان على إيش على شغلك با المكتبه اللي ما اعتقد ممشيها مثل الناس ما ادري ليه طاوعتك وفتحتها لك0

فهد وهو ماسك أعصابه :- يبا الله يهداك ما كفرنا لو يوم ما داومت والمكتبه ماشيه والحمد لله

أبو فيصل وهو معصب :- إذا ما بتداوم اليوم يا ويلك فاهم يا الزفت

فهد تنفس بقوه من طريقه أبوه وسبه له:- طيب اللي تامر فيه يا أبو فيصل

أبو فيصل مسك بثوب فهد :- لا تجيب طاري الزفت هذا اللي حارق قلبي ومخلي بنت الزفت أبو ندى بذمته0

فهد حس بقهر من كلام أبوه:- يبا البنت ما غلطت بحقك ولا بحق زوجها ليه يطلقها

أبو فيصل :- اسكت ولا كلمه لا تخليني أحط حرتي فيك0

فهد سكت لأنه عارف أبوه إذا عصب ما يعرف احد حتى عياله طالع في أبوه وهو زعلان على الحالة اللي وصلت له من ورى انتقام ماله أساس ولا معروف سببه0

/

\

/

\

/

وسن تهز في فيصل بحماس :- اجلس حبيبي عندي أخبار تسرك

فيصل وهو يتأفف :- أوف خليني نايم وراي شغل الليله0

وسن :- فيصل لا تصير كذا دمك ثقيل 0

فيصل رفع رأسه ويطالع في وسن بانبهار لدرجه وسن استحت من نظراته :- يا سلام لو كل رجال يصبح على هـ الجمال كان العالم بخير

وسن استحت من كلامه :- فيصل لاتحرجني0

فيصل وهو يضحك :- خير يا قمر وش الخبر اللي يسر0

وسن بحماس وتفاعل :- حمد ولد عمتي يبي يتزوج

فيصل وهو يحك شعره :- قديمه

وسن وهي تهز رأسها :- لا مو قديمه عرسه الأسبوع الجاي وحفله صغيره بس أحنا وأهل زوجته0

فيصل وهو يضحك :- الحين الدوب مستعجل ما يقدر ينتظر مع اخوه0

وسن وهي تبتسم :- ههههههههههههه شجون طيرت مخه

فيصل :- في هذا صادقه 0

وسن وهي تطالع فيه :- بقول لك شي أبي اعرف البنات حلويين اللي تشوفهم في شغلك؟

فيصل ويبي يجنن وسن :- بصراحة كل وحده أحلى من الثانية

وسن تضايقت وما علقت على كلامه

فيصل مسك أيدها وجلسها جنبه :- الحلوة ليه زعلانه

وسن وهي متضايقة :- ولاشي فيصل أبي أكمل دراستي واشتغل معاك

فيصل جاته نوبة ضحك جنونية :- هههههههههههههههههههه

وسن زعلت وقامت من جنبه وطلعت على طول للصاله0

فيصل لحقها وجلس جنبها وشاف دموعها نازله مسح دمعتها وحضنها:- والله مو قصدي أزعلك ترى كنت امزح مافي ولا بنت بالعالم تعبي عيني غيرك والشغل شغل ما راح أتجاوزه بأي شكل من الأشكال هذي أمانه يا وسن أمانه نحافظ على شغلنا وعلى بلدنا من الانحراف لا تحاتيين وإذا على الدراسة بوقف معاكِ لين تكملين واختاري المهنة اللي تبينها 0

وسن :- هئ هئ احلف انك ما تكذب علي وانك ما راح تتركني

فيصل وهو يطالعها بحب :- والله ما اكذب وما راح أتركك مهما يكون يـ الله بس لا تقلبينها هم و أنا جوعان ممكن الفطور يجهز0

وسن وقفت وهي تمسح دموعها :- أي بس دقايق والفطور جاهز0

فيصل ابتسم وهو مبسوط من حبه الجنوني لوسن0

/

\

/

\

/

عصام رايح وجاي في مكتب عمه ينتظر السكرتير يدخله عند عمه

ضرب طاوله السكرتير :- لمتى بنتظر أبي ادخل الحين

السكرتير :- عمك عنده اجتماع ورافض أي احد يدخل عليه

عصام :- طيب ما راح اطلع بجلس انتظره إن شاء الله لين بكره0

السكرتير طالعه بحنق :- على راحتك أستاذ عصام 0

عصام جالس محروق وعلى أعصابه لين طلعوا رجال الأعمال اللي هو عارفهم واحد واحد وهم يطالعونه من فوق لتحت

السكرتير :- تفضل أستاذ عصام عمك ينتظرك

عصام دخل على عمه :- صحيح شجون بتتزوج الأسبوع

أبو شجون وهو معصب :- احترم عمك وسلم وبعدين اسأل

عصام وهو معصب :- يا عمي أي سلام وشجون بتعطيها المتخلف حمد

أبو شجون عصب وطلع من هدوءه :- عصام ابعد عن بنتي هي مو من نصيبك لو تبيها كان حافظت عليها خلاص افهم صارت بأسم زوجها

عصام جلس و أيده على رأسه :-ما أتصورها لغيري عمي افهمني

أبو شجون ورجع لهدوئه :- ساعات الواحد ما يحس بالشيء إلا إذا فقده وخلاص أنسى يا عصام البنات كثير و أحسن من شجون 0

عصام ومسح دمعه نازله من عينه :- ما فقدتها شجون بترجع لي فاهمين إذا مو اليوم بكره0

طلع بسرعة وهو معصب وهو يسب في حمد وشجون0

/

\

/

\

فيصل وحمد وفهد جالسين بالمجلس وفهد مرتبك كيف يتكلم معهم

فيصل :- فهد خلص ساعة جالسين ننتظر تتكلم

حمد وهو مبتسم :- يا شيخ تكلم تراني مبسوط ومروق لا تخليني اعصب0

فهد وهو مرتبك ومتوتر :- بالمختصر أبيكم تساعدوني أبي اخطب

فيصل وحمد طالعو بعض وجاتهم نوبة ضحك على فهد :- ههههههههههههه

فهد طالعهم وهو متوتر :- أنا قلت شي يضحك

فيصل :- جالسين معاك نبيك تتكلم ساعة وفي النهاية أبي اخطب يا أخي من البداية تكلمت وخلصتنا

إذا إحنا تستحي منا إذا شفت أهل المعرسة وجيت تكلم أبوها وش راح تسوي0

حمد :- ههههههههههه أول مره أشوف أبو الشباب متوتر 0

فهد وهو متوتر :- أبيكم تساندوني

حمد تغير ملامح وجهه :- يا شيخ صاير شي

فهد وهو يتنفس بقوه قبل يتكلم :- أبي اخطب أختك سمر و خايف ترفضوني

فيصل طالع في حمد وجاتهم ضحكه أقوى من اللي قبل:- ههههههههههههه هههههههههههههه

فهد توتر أكثر:- يا ناس أنا ما أمزح إذا ما راح تساندوني خلاص

فهد بيوقف ومسكه حمد :- فهد أنت بيض الله وجهك ما شفت منك سوء و أخلاقك ما شاء الله و إذا على أختي بكلمها وما أقدر اغصبها بيدها الموافقة أو الرفض والوالد الله يعين 0

فهد ابتسم :- خايف من رفض أبوك لي بسبه أبوي

حمد :- العم ما رفض الأخو اللي جنبنا بيرفض أبوي أخوه

فيصل :- والله عينك قويه يا أخي تتكلم علي و أنا جنبك

فهد:- ما تقدرون ترفضون ولدكم أما أنا اعتبر غريب عنكم

حمد وهو يبتسم :- أنت اخوي قبل تصير اخو فيصل والله مو غريب بس ربك يسهلها 0

فهد ارتاح انه شارك فيصل وحمد بخطواته الجايه0

/

\

/

وسن كل يوم تخز في عمتها وودها تفتح السالفة وخصوصا إن مضاوي لها كم يوم حابسه نفسها بحجه إنها تعبانه وتبي تنام

وسن وهي تأكل الفشار :- عمه شفيها مضاوي قاطعتنا

أم فيصل وهي تفرفر بالتلفزيون :- هـ اليومين بس ساكتة وما تبي تنزل إلا تأكل وتنام و مو راضيه تتكلم سألتها تقول بس تعب0

وسن وهي مترددة :- تهقين يا عمه احد مزعلها

أم فيصل وهي تطالع وسن :- لا ما اعتقد كانت زينه فجاءه تغيرت

وسن :- يمكن اشتاقت لأبوها

أم فيصل وهي متوترة :- احد مانعها عنه

وسن بخبث :- يمكن تبي تزوره و مستحية تفتح سالفتة

أم فيصل وهي معصبه:- ما حد منعها تقدر حتى ترجع له

وسن وهي تمسك يد عمتها :- عمه أبو فيصل ليه تركتيه0

أم فيصل وهي زعلانه:- ولا شي ما تفقنا انسي السالفة يا بنت اخوي

وسن سكتت وفي داخلها (( يا عمه وين تهربين كل يوم بأخذ منك شي لين اعرف السر))

\

/

\

سمر تسمع حمد وقلبها يدق بسرعة

حمد :- أنا فهد أحبه وما راح الاقي لدلوعتي أحسن من صاحبي واخوي

وأنتِ فكري بالموضوع لا تستعجلين

سمر وهي تتنفس بسرعة :- أي بس أنا مالي رأي الرأي رأي أبوي

حمد مسك أيد سمر وجلسها جنبه :- صح أبوي رأيه يهمك بس بعد يهمني أطمئن على أختي أولا وصديقي الغالي ثانيا

سمر وهي مرتبكة :- حمد أنت شايف إن فهد كفو

حمد وهو يبتسم :- شهادتي فيه مجروحة اخو دنيا ما حد وقف جنبي مثله

سمر ابتسمت بحيا:- خلاص يا حمد أنت تعرف مصلحتي وين

واللي تشوفه راح أسويه بس بعد موافقة الوالد

حمد وهو يبتسم لــــ سمر:- خلاص بقوله البنت موافقة بس بعد موافقة الوالد ها وش رأيك

سمر نزلت رأسها مستحية وما ردت وحمد حضنها وحب رأسها :- مبروك يا قمر والله وجا اليوم اللي بزوجك

/

\

/

مضاوي على نفس المنوال تـأكل وتدخل غرفتها ولا تكلم احد

وسن دخلت عند مضاوي :- مضاوي ليه مقاطعتنا

مضاوي :- لا بالعكس ما شفت منكم إلا كل خير بس أحب اختلي بنفسي و أراجع حساباتي

وسن جلست جنب مضاوي:- مضاوي فيصل ما يداوم العصر وش رأيك نطلع نتونس ونتسوق لعرس حمد ولد عمي

مضاوي ماسكه دمعه بتطيح من عينها :- وسن سامحيني

وسن وهي تبتسم :- هذا إذا كنت زعلانه منك يامضاوي ما بينا شي يستدعي الزعل والاعتذار

مضاوي ابتسمت وسن مسكت إيدها :- يـا الله يـ الدلوعة الكل يحاتيكِ

قومي نطلع نتونس وربك يسهلها 0

إلا بفيصل واقف ويبتسم لهم ويطالع فيهم

وسن :- خير يا شيخ شايف فلم

فيصل :- ههههههههههههه لا والله رومانسي

مضاوي استحت :- فيصل أعقل

فيصل وهو يبتسم :- ههههههه والله صادق اشوي ودموعي بتطيح

وسن تضحك :- ههههههه زين مسكت أدموعك كان ضحكت عليك

فيصل قرص خدها :- أهون عليكِ

وسن بدلع :- وربي ما تهون علي

مضاوي :- يا ناس ياهو كم مره قلت راعو مشاعر العزابية

التفتوا عليها يضحكون

وسن وهي تبتسم :- اليوم نبيك بخدمه

فيصل :- بس خدمه أنا طوع أمر الصبايا الحلوين

وسن مسكت أيد مضاوي :- اليوم بسوي حركات يـ الله جهزي

مضاوي هزت رأسها برضى وبابتسامه

/

\

/

\

شجون مبسوطة يومين وتكون ببيت حمد القلب اللي احتوى حبها

وفي عز انبساطها إلا تسمع صوت عكر عليها وخلى كل خليه في جسمها تنتفض منه :- مبسوطة يا شجون ؟

على طول شجون بس شافتة ركضت تبي تصعد الدرج إلا مسك إيدها :- وين يا بنت العم ؟

شجون ودموعها نزلت :- عصام لا تخرب حياتي اترك إيدي

عصام والشر يتطاير من عينه :- أنتي لي من كنا صغار ليه تأخذين حمد ليه؟

شجون وهي تصرخ :- ما احبك أكرهك أنت واحد ضايع ماشي بدرب كله حرام ما أبيك فاهم

عصام عصب وضغط على إيدها بقوه :- ما سمعت وش قلتي أنا ضايع

شجون وهي تتوجع من أيدها :- حرام عليك ابعد عن دربي اتركني أعيش بحياة أنا اخترتها وراضيه عنها افهم أني ما راح أكون لك

عصام وهو يسمعها وقلبه يتقطع من كلامها ترك أيدها :- طيب يا بنت العم حمد ما راح يكون لك وبيطلقك وما حد بيأخذك غيري

شجون بس فلت أيدها صعدت تركض الدرج وهي تصرخ وتقول له :- غير حمد ما راح اخذ فاهم أموت أهون لي ولا أخذك 0

عصام جلس على الدرج وهو يمسك في رأسه ويكلم نفسه :- أي غلطت مع بنات بس كنت متيقن انك موجودة لي و بأخذك يا شجون ما رح اخلي حمد يتهنى بس صبري علي

طلع من بيت عمه وفي رأسه فكره وحده حمد ما يتهنى بشجون

/

\

/

وسن ومضاوي من مجمع لمجمع أحسن الفساتين لمضاوي ولها

وهم مبسوطيين وفيصل تعب وهو محمل أكياسهم :- إن شاء الله طول اليوم احمل أكياس لكم

وسن بدلع :- أكيد ما فيها شي

مضاوي :- حرام وسن والله رحمته شكله تعب

وسن تضحك :- خلاص بس حبيبي ندخل المشغل

فيصل بحزم :- وسن تقصين شعرك لا

وسن وهي تبتسم :- لا ما راح أقص شعري عارفه انه عاجبك بغير ستايل مضاوي

مضاوي بسرعة ردت :- أنا

وسن :- أي من عرفتك وهذا شعرك بدخل هناك وبخليهم يغيرون الحركة

فيصل :- خلاص أهم شي زوجتي ما تحرك شعرها

مضاوي :- أف من الصبح وهو مـ أذينا ندري إنها زوجتك

فيصل خز مضاوي :- قولي لا اله إلا الله على زوجتي أخاف تعطينها عين

مضاوي :-لا اله إلا الله لا تخاف عيني عليها باردة

وسن تضحك على هبال فيصل وأخته

/

/

\

/

حمد اتصل على فيصل يحضر هو وفهد عشان يفتحون سالفة زواج فهد من سمر

فيصل بعد ما تأكد إن مضاوي ووسن بيتأخرون طلع ومر فهد وعلى بيت خاله اللي استقبلهم حمد أول ما وصلوا

فهد مرتبك ومعرق من خوفه انه ينرفض

أبو منصور ومنصور دخلوا المجلس وسلموا عليهم وبدو بالسوالف والضحك إلا فهد اللي كان مو معاهم

منصور :- فهد عسى ما شر وينك ما تتكلم فيك شي

فهد ارتبك أكثر وأنظاره رايحة لجهة حمد وفيصل

فيصل تكلم نيابة عن فهد :- فهد يبي يخطب ومستحي

منصور وهو يبتسم :- اشر على البنت ونعاونك و نخطبها لك

فهد وبكلمات متقطعة من الأرتباك:- أبي اخطب كريمتكم سمر

أبو منصور اللي كان يبتسم اختفت ابتسامته :- سمر

فهد بجديه :- أي سمر يا عمي وبحطها في عيني طبعا هذا بعد موافقتكم

أبو منصور وبصرامة :- فهد ما عندنا بنات للزواج

الكل تفاجأ إلا فهد كان متوقع الأسوأ

حمد يكلم أبوه :- يبا فهد ما فيه شي ينعاب

فيصل بحماس يكلم خاله :- يا خال أنا اضمنه لك

منصور مستغرب من رده فعل أبوه اللي أول مره يشوفه معصب لهذي الدرجة

أبو منصور :- اسمع يا فهد أنا أعرفك من قبل اعرف أن أبوك هو نفسه اللي ما خذ أختي من قبل و أبو ولدنا فيصل لكن اسمح لي ما أفضل لبنتي تعيش عند واحد أبوه من قبل طلعناه من حياتنا بلا رجعه

فيصل باستغراب :- ليه يا خال هذا أنا أخذت وسن وما أنرفضت

أبو منصور :- أنت ولد اختنا وتربيتنا لكن هو لا والعرق دساس

حمد وهو معصب :- بس يبا فهد ما فيه شي يعيبه يسكنها لوحدها لو تبي نسكنهم عندنا بالبيت

أبو منصور ينهي الجلسة :- أنا بطلع لغرفتي أنام تعبان عن أذنكم

تركهم وألف سؤال يدور ما السبب اللي يخلي أبو منصور لأول مره يعصب ويرفض بقوه

وفيصل وهو معصب أكثر من فهد اللي متوقع هذا الرفض ويسأل نفسه (( ليه خالي يرفض بسبب أبوي وشو سوى أبوي لهم اللي خلاهم يكرهونه بهذا القوه أكيد شي كبير أكيد))

فهد طلع بسرعة من بيت أبو منصور بدون يكلم احد وفي عيونه دمعه إن الأمل اللي بيجمعه بـــــــــ سمر انقطع للأبد

حمد كل حماسه اختفى وما قدر يمسك فهد ويعتذر له أو يعطيه أمل انه بيحاول في أبوه لان شكل أبوه رفضه نهائي ومفاجاءه لـــ حمد انه يشوف أبوه عكس الشخصية اللي تعودوها معاه بالصراحة وانه كـ أخوهم الكبير مو أبوهم

منصور وكل هالأحداث اللي صارت قدامه مو قادر يستوعب شي وقف مذهول بين رد فعل أبوه وبين فهد اللي يحبه ويعرفه انه و حمد أحباب يمكن أكثر منه واللي دائما يشاركهم أفراحهم وأحزانهم وهو ما قدر يعينه على زواجه أو يتكلم بشي يغير رفض أبوه

طبعا كل هذا ولا شي قدام صدمه إنسانه كانت كعادتها المرحة والمتطفلة اللي تعودت عليها وقفت تتسمع لههم وهذا اللي تبيه لأنها تنتظر قدوم فهد لبيتهم لخطبتها وخصوصا إن حمد عطاها معلومة مسبقة إن فهد جاي الحين يخطبك

وقفت ورى الباب مذهولة من اللي سمعته ومن رد أبوها الغير متوقع اللي ما حست إلا بفتحه الباب وبسرعة وبخفتها ركضت على جنب وما حس أبوها المعصب اللي أول مره تشوفه معصب كذا

طلعت لغرفتها وسكرت الباب وحضنت مخدتها ودموع وبكاء صامت بدون احد يحس فيها أو يعرف بمدى حبها لـــــــــ فهد

أبو منصور دخل معصب و نادى أم منصور تصعد معاه اللي مشت وراه بدون أي تعليق

/

\

/

\

فيصل طلع وهو مصدوم وعلى طول اخذ وسن ومضاوي وصلهم البيت

وسن :- ادخل ارتاح قبل الدوام

فيصل :- عندي شغل مهم أسويه وبروح أداوم على طول لاتهتميين0

وسن نزلت وقلبها مقبوض ودخلت وأم فيصل بس شافت مضاوي انبهرتفيها :- ما شاء الله طلعتي قمر وين هـ الجمال مخبيته

وسن وهي تبتسم :- شفتي يا عمه

مضاوي مستحيه :- والله خجلتوني

ضحكوا عليها لكن وسن مازالت حاسة بكارثة راح تحل عليهم0

فيصل بس وصلهم على طول لبيت خاله أبو ندى دخل المجلس ودخل أبو ندى :- هلا بولدي فيصل

فيصل حب رأس خاله:- عمي أبيك بشغله ضرورية ويـا ليت ما تكسفني فيها

أبو ندى و صوته كله خوف :- فيصل عسى ما شر فيك شي أختي فيها شي أو وسن فيصل تكلم

فيصل وهو مكسور :- ليه أمي تركت أبوي وليه ما تحبون سيرته

أبي اعرف كل شي وش سوى وخلاكم تكرهونه أكيد شي كبير صح خال

أبو ندى وهو محتار :- اسمع ما في شي لا تخاف كل ما في الأمر ما توفقت وياه

فيصل :- خالي ما اعتقد في شي ولازم اعرفه منك أو من أمي أو من خالي أبو منصور أنا مو صغير تكذبون علي بكذبه و أصدقها 0

أبو ندى : مين اللي حاط هـ الفكرة في رأسك ما صار نصيب وخلاص

أبو ندى مسك كتف فيصل :- وسن هي اللي مأثره عليك

فيصل وهو معصب وباين عليه التعب جلس وحط أيده على رأسه :- لا مو وسن اخوي فهد راح يخطب سمر ورفضه خالي أبو منصور وقال اسمح لي ما أفضل لبنتي تعيش عند واحد أبوه من قبل طلعناه من حياتنا بلا رجعه وقال العرق دساس وش سوى أبوي أبي اعرف

أبو ندى وكاسر خاطره فيصل:- اذكر الله يا ولدي ما في شي بس خالك اندفع بكلامه ولو في أبوك شي ما عطيتك بنتي0

فيصل بسرعة :- لأنك مربيني تقول كذا بس مصيري اعرف

طلع بدون ما يلتفت لخاله اللي تعب وهو يناديه يرجع 0

/

\

/

\

مضاوي صعدت غرفتها ترتاح وأم فيصل بعد صعدت لغرفتها ووسن قررت تتكلم مع عمتها صعدت الدرج وتو بتضرب باب غرفه عمتها إلا سمعت صراخها خافت تدخل أو ترجع وتو بترجع إلا سمعت عمتها :- لا يا أخوي إلا فيصل ما أبي يعرف شي تكفى

سمعت هذا الكلام والفضول خلاها توقف وتسمع باقي الكلام

أم فيصل :- اخوي ادري بولدي لو يعرف شي بيموت ما يقدر على هـ الكلام ما أبيه ينصدم بـ أبوه وش تبيني أموته أقول له (................)

وسن تسمع الكلام وهي مدهوشة ومنصدمة سندت ظهرها على الجدار ودموع نزلت من عينها على الكلام اللي سمعته

وسن حست بلفه في رأسها ومشت وهي ماسكه الجدار لين غرفه مضاوي وبس فتحت الباب إلا وسن طاحت ومغمى عليها 0

/

\

/

فيصل اتصل بالمستشفى واعتذر انه ما راح يداوم وطلع يفتر بسيارته وكله انكسار وما لقى إلا يواجه أبوه هذا أحسن حل

وقف عند بيت أبوه وهو متردد

دق الجرس وفتحت له ريم :- هلا اخوي

فيصل ويبتسم بالغصب :- أبوي موجود

ريم تهز برأسها :- أي موجود ادخل فيصل فيك شي؟

فيصل :- لا ما فيني شي

دخل فيصل و أبوه جالس يقرأ بـ الأوراق رفع رأسه :- أخيرا تذكرت أبوك

فيصل :- يبا ليه خوالي يكرهونك و أنت تكرههم؟

أبو فيصل وهو يضحك بـ القوه :- هههههههههههه جاي ومتعب نفسك عشان تسألني سؤال بايخ

فيصل وهو معصب :- أبي اعرف في سر ولا واحد يبي يتكلم أمي تسكت و أنت تضحك أبي اعرف

أبو فيصل :- طلقتها لأني ما أبيها بس

فيصل :- ليه ما تبيها مقصرة معاك

أبو فيصل بحقد :- ايه مقصرة وتعز أهلها على زوجها زوجه ناشز ليه احتفظ فيها

أبو فيصل وهو يقرب فمه من أذن فيصل :- أمك ما تستحق تكون زوجه وزوجتك ما تستحق تعيش و أنت ما تستحق رضاي

فيصل وهو مصدوم من كلام أبوه :- ليه تقول لي هـ الكلام أنا احبك بس ما اقدر أطلق إنسانه ما ضرتني

أبو فيصل وهو معصب :- أي بس أبوها حرمك من أبوك وحرمني منك قول لي تستحق تعيش معاك و أبوها لعب بعقل أمك وحرمني منك 0

فيصل :- وهي وش ذنبها0

أبو فيصل :- ذنبها أن أبوها اكبر مخادع خدع أخته عشان يحتفظ بفلوسها مع فلوسه ويحرمها من زوجها 0

فيصل ساكت ومو عارف كيف يرد إلا بدخله فهد :- قلت له باللي صار عشان يبرد قلبه0

أبو فيصل يطالع فيهم :- إيش اللي صار

فهد :- رحت اخطب بنت أبو منصور وقال لي ما عندنا بنات للزواج 0

أبو فيصل والشر يطلع من عينه مسك بثوب فهد :- رايح تخطب من وراي

فهد :- أي رحت ويا ليت ظليت بحلمي بدل ما أنصدم برفضه والسبب أنت

أبو فيصل حس نفسه محاصر وفتح أزرار ثوبه :- اسمع أحنا ما نشرف ببناتهم وبدل بنته ألف بنات تبيك

فهد جلس بجنب فيصل :- ما أبي أتزوج غيرها

أبو فيصل ويهز بأيدينه :- يا سلام أولادي يبون يعصوني واحد متمسك ببنت عدوي والثاني يبي يقضي علي يحب بنت اخو عدوي 0

قطع كلامه رنه جوال فيصل اللي بس رد طلع يركض من عند أبوه اللي زاد صراخه وسبه0

/

\

/

مضاوي ما شافت إلا وسن طايحة قدامها ما عرفت كيف تتصرف تحرك فيها وما تتحرك ركضت لغرفه أم فيصل وفتحته بسرعة و أم فيصل كانت تكلم جوال

أم فيصل :- شفيكِ مضاوي

مضاوي:- والله يا خاله وسن طايحة عندي ومو عارفه أسوي لها شي

أم فيصل ركضت مع مضاوي وشافت وسن طايحة ووجها اصفر

حركتها وما تتحرك تذكرت الجوال راحت تركض لغرفتها وكان أبو ندى ينتظرها :- اخوي الحق وسن طايحه وفيصل مو بالبيت ما أعرف كيف أتصرف

مضاوي رفعت رأس وسن إلا شافت دم مكان الطيحه شهقت بقوه وبدت تصارخ:- يا خاله لحقي علي وسن بتموت

أم فيصل بس سمعت وسن بتموت تركت الجوال من يدها وجلست بجنب مضاوي مو عارفه إيش العمل0

أبو ندى يكلم أخته وما في رد طلع يركض من البيت وأم ندى تناديه ولا معبرها

ركب سيارته وعلى طول لبيت أخته دخل يركض وعلى طول صعد لفوق في اتجاه الصياح ما همه احد دخل وحمل وسن وأم فيصل لبست عباتها وراه ومضاوي لبست بسرعة أخذت جلال الصلاة وغطت وسن وعلى طول للمستشفى0

/

\

/

\

فيصل وصل للمستشفى بسرعة دخل غرفه وسن وأمه ومضاوي وخاله جالسيين جنبها ولا كلمهم مسك أيدها :- وسن أنتي تعبانه وش حاسة فيه وليه ضماد ملفوف على راسك؟؟؟

وسن ابتسمت بحيا على تصرفات فيصل

أم فيصل :- على الأقل سلم على خالك استح

مضاوي تتسبب:- قلت لك يا خاله ما يراعي شعور احد متجمد

فيصل يطالع فيهم :- يمه والله ما أنتبهت و أم لسان حسابها بعدين

مضاوي تبتسم :- ههههههههه ما اعتقد

فيصل يهز برأسه :- نشوف

سلم على خاله وحب رأسه اللي يطالعهم مبتسم على حركاتهم

أبو ندى :- ما تنلام زوجتك وأم عيالك تعبانه عذرناك

فيصل جلس جنب وسن:- والله يا خال زوجتي أي أم عيالي قول لها تتشطر وتعبي بيتي عيال وتجيب العيد لأمي

أبو ندى :- ليه مو ناويين

فيصل ولا فاهم لسر ابتساماتهم :- والله يا خال ودي بس بنتك تقول تبي تكمل دراسة

ضحكوا عليه التفت على وسن اللي من الحيا ما رفعت رأسها من ضحكهم

فيصل مستغرب :- وش السالفة قايل نكته

مضاوي بلقافة :- لا بس بصير عمه

فيصل مو مستوعب :- وش دخلك تصرين عمه وابتساماتكم بالسالفة

أم فيصل وهي تضحك:- ههههههه ما خبري يا دكتور انك غبي دايما شاطر ومصحصح وفي هذي السالفة تنحت علينا0

فيصل عصب :- يمه أي سالفة مخي مسكر و زوجتي مربوط رأسها وانتو تتكلمون كلام ألغاز

تو بيكمل كلامه إلا التفت على وسن :-أنتي حامل يا البزره

ضحكوا عليه كلهم ووسن استحت منه ولا ردت عليه

أبو ندى :- مبروووووووووك علي بصير جد

فيصل يضحك بهستريا خلاهم يضحكون على ضحكه :- أي مبروك يا خال ومبروك لي 0

مسك أيد وسن وحب رأسها :- ومبروك لأحلى قمر

حب رأس خاله وأمه وقرص مضاوي بيدها :- حسابك عسير

مضاوي تفرك أيدها مكان القرصة :- أي هين كثر منها0

أبو ندى يأشر على أخته :- قومي يـا الجدة أنتي وجارتك خليني أعزمكم على بارد

أم فيصل :- بسم الله عليك بس أنا جده وأنت بتصير جد من بنتين أنا يادوب واحد

وسن وفيصل و مضاوي يضحكون على كلام أم فيصل و أبو ندى

أبو ندى مسك أيد أخته :- قومي بس بلا دلع زايد

ام فيصل تتلفت على فيصل ووسن ومضاوي وتهمس لأخوها:- فشلتني يم هـ المبزره

أبو ندى يعاندها :- شكلك بتنضربين على كبر

أم فيصل بحنية وعتب تطالع أخوها :- اخوي لا تفشلني

أبو ندى يضحك عليها :- طيب ترى أنا عازمك أنتي ومضاوي يـا الله بسرعة

أم فيصل :- إن شاء الله

أبو ندى اخذ أخته ومضاوي وطلع

فيصل بس طلع خاله وأمه ومضاوي إلا قرص خد وسن :- يعني أنا أخر من يعلم0

وسن وهي منزله رأسها :- والله ما أدري ما حسيت إلا لفه براسي والحمد الله مضاوي ساعدتني وإلا ما حد حس فيني

فيصل وهو مبسوط مع وسن جلس معاها لين نامت وتطمن عليها

طلع من المستشفى وهو مبسوط ونسى زعله وغضبه الثائر اللي كان مسيطر عليه قبل ما يعرف انه بيصير أب

رجع للبيت مبسوط ويغني صعد لغرفه أمه وضرب الباب ودخل ما شافها

شغل التكييف وجلس على سرير أمه يبي يفاجأها بوجوده ويرجع أيام أول

يوم يجي غرفتها ويونسها 0

تمدد على السرير و مبسوط على الأخر بيصير أب والدنيا مو سايعته من الفرح إلا يشوف ظرف قديم مركون على مخدة أمه

بفضول فتح الظرف وبكل علامات التعجب والغضب على ملامحه من كل ورقه يقراها 0

/

\

/

فهد دخل غرفته متضايق دخلت ريم وجلست جنبه :- فهد لا تزعل عليك بـ الصلاة والدعاء وبتفرج

فهد يغصب نفسه با ابتسامه :- لا تحاتين يا حنونة ربك يحلها هو العالم بالحال0

ريم :- فهد اشتقت لمضاوي و أبي أشوفها

فهد :- طيب بكره نزورهم و لا يهمك

ريم فرحانة:- صدق فهودي

فهد :- أكيد خابرتني اكذب

ريم وهي مبسوطة :- حاشاك الكذب أنت أحلى أخ وعزوه لي بالدنيا0

أبو فيصل دخل عليهم فجاءه:- الحين هو عزوتك يا الناكرة للجميل مو كافي أختك اللي نست أهلها وأبوها اللي عزها0

ريم خافت وارتبكت وما عرفت ترد

فهد :- يبا هي تحب ترفع معنوياتي مو قصدها تستنقص فيك0

أبو فيصل وقف قبال ريم اللي من دخل وهي واقفة ومنزله رأسها:- لا أنا اعرفها عمرها ما حبتني هي مضاوي اللي كانت دووووم معاي وتنكرت لي الحين وما تبي ترجع 0

كان يتكلم بحزن لدرجه إن ريم رفعت رأسها وتكلمت :- لا يبا كلنا نحبك بس أنت مو حاس فينا كنت أتقرب لك و أنت تبعدني ما تطالع إلا مضاوي حتى فيصل اللي أنت تكرهه يحبك وما حاولت تكسبه طالعنا قبالك أنت أبونا مالنا غنى عنك حس فينا وتشوفنا كلنا ملك يمينك0

أبو فيصل نزلت دمعه من عينه وهو يسمعها مسحها بأيده وطلع من الغرفة بدون أي تعليق0

/

\

/

فيصل اتصل بالمستشفى واعتذر انه ما راح يداوم وطلع يفتر بسيارته وكله انكسار وما لقى إلا يواجه أبوه هذا أحسن حل

وقف عند بيت أبوه وهو متردد

دق الجرس وفتحت له ريم :- هلا اخوي

فيصل ويبتسم بالغصب :- أبوي موجود

ريم تهز برأسها :- أي موجود ادخل فيصل فيك شي؟

فيصل :- لا ما فيني شي

دخل فيصل و أبوه جالس يقرأ بـ الأوراق رفع رأسه :- أخيرا تذكرت أبوك

فيصل :- يبا ليه خوالي يكرهونك و أنت تكرههم؟

أبو فيصل وهو يضحك بـ القوه :- هههههههههههه جاي ومتعب نفسك عشان تسألني سؤال بايخ

فيصل وهو معصب :- أبي اعرف في سر ولا واحد يبي يتكلم أمي تسكت و أنت تضحك أبي اعرف

أبو فيصل :- طلقتها لأني ما أبيها بس

فيصل :- ليه ما تبيها مقصرة معاك

أبو فيصل بحقد :- ايه مقصرة وتعز أهلها على زوجها زوجه ناشز ليه احتفظ فيها

أبو فيصل وهو يقرب فمه من أذن فيصل :- أمك ما تستحق تكون زوجه وزوجتك ما تستحق تعيش و أنت ما تستحق رضاي

فيصل وهو مصدوم من كلام أبوه :- ليه تقول لي هـ الكلام أنا احبك بس ما اقدر أطلق إنسانه ما ضرتني

أبو فيصل وهو معصب :- أي بس أبوها حرمك من أبوك وحرمني منك قول لي تستحق تعيش معاك و أبوها لعب بعقل أمك وحرمني منك 0

فيصل :- وهي وش ذنبها0

أبو فيصل :- ذنبها أن أبوها اكبر مخادع خدع أخته عشان يحتفظ بفلوسها مع فلوسه ويحرمها من زوجها 0

فيصل ساكت ومو عارف كيف يرد إلا بدخله فهد :- قلت له باللي صار عشان يبرد قلبه0

أبو فيصل يطالع فيهم :- إيش اللي صار

فهد :- رحت اخطب بنت أبو منصور وقال لي ما عندنا بنات للزواج 0

أبو فيصل والشر يطلع من عينه مسك بثوب فهد :- رايح تخطب من وراي

فهد :- أي رحت ويا ليت ظليت بحلمي بدل ما أنصدم برفضه والسبب أنت

أبو فيصل حس نفسه محاصر وفتح أزرار ثوبه :- اسمع أحنا ما نشرف ببناتهم وبدل بنته ألف بنات تبيك

فهد جلس بجنب فيصل :- ما أبي أتزوج غيرها

أبو فيصل ويهز بأيدينه :- يا سلام أولادي يبون يعصوني واحد متمسك ببنت عدوي والثاني يبي يقضي علي يحب بنت اخو عدوي 0

قطع كلامه رنه جوال فيصل اللي بس رد طلع يركض من عند أبوه اللي زاد صراخه وسبه0

/

\

/

مضاوي ما شافت إلا وسن طايحة قدامها ما عرفت كيف تتصرف تحرك فيها وما تتحرك ركضت لغرفه أم فيصل وفتحته بسرعة و أم فيصل كانت تكلم جوال

أم فيصل :- شفيكِ مضاوي

مضاوي:- والله يا خاله وسن طايحة عندي ومو عارفه أسوي لها شي

أم فيصل ركضت مع مضاوي وشافت وسن طايحة ووجها اصفر

حركتها وما تتحرك تذكرت الجوال راحت تركض لغرفتها وكان أبو ندى ينتظرها :- اخوي الحق وسن طايحه وفيصل مو بالبيت ما أعرف كيف أتصرف

مضاوي رفعت رأس وسن إلا شافت دم مكان الطيحه شهقت بقوه وبدت تصارخ:- يا خاله لحقي علي وسن بتموت

أم فيصل بس سمعت وسن بتموت تركت الجوال من يدها وجلست بجنب مضاوي مو عارفه إيش العمل0

أبو ندى يكلم أخته وما في رد طلع يركض من البيت وأم ندى تناديه ولا معبرها

ركب سيارته وعلى طول لبيت أخته دخل يركض وعلى طول صعد لفوق في اتجاه الصياح ما همه احد دخل وحمل وسن وأم فيصل لبست عباتها وراه ومضاوي لبست بسرعة أخذت جلال الصلاة وغطت وسن وعلى طول للمستشفى0

/

\

/

\

فيصل وصل للمستشفى بسرعة دخل غرفه وسن وأمه ومضاوي وخاله جالسيين جنبها ولا كلمهم مسك أيدها :- وسن أنتي تعبانه وش حاسة فيه وليه ضماد ملفوف على راسك؟؟؟

وسن ابتسمت بحيا على تصرفات فيصل

أم فيصل :- على الأقل سلم على خالك استح

مضاوي تتسبب:- قلت لك يا خاله ما يراعي شعور احد متجمد

فيصل يطالع فيهم :- يمه والله ما أنتبهت و أم لسان حسابها بعدين

مضاوي تبتسم :- ههههههههه ما اعتقد

فيصل يهز برأسه :- نشوف

سلم على خاله وحب رأسه اللي يطالعهم مبتسم على حركاتهم

أبو ندى :- ما تنلام زوجتك وأم عيالك تعبانه عذرناك

فيصل جلس جنب وسن:- والله يا خال زوجتي أي أم عيالي قول لها تتشطر وتعبي بيتي عيال وتجيب العيد لأمي

أبو ندى :- ليه مو ناويين

فيصل ولا فاهم لسر ابتساماتهم :- والله يا خال ودي بس بنتك تقول تبي تكمل دراسة

ضحكوا عليه التفت على وسن اللي من الحيا ما رفعت رأسها من ضحكهم

فيصل مستغرب :- وش السالفة قايل نكته

مضاوي بلقافة :- لا بس بصير عمه

فيصل مو مستوعب :- وش دخلك تصرين عمه وابتساماتكم بالسالفة

أم فيصل وهي تضحك:- ههههههه ما خبري يا دكتور انك غبي دايما شاطر ومصحصح وفي هذي السالفة تنحت علينا0

فيصل عصب :- يمه أي سالفة مخي مسكر و زوجتي مربوط رأسها وانتو تتكلمون كلام ألغاز

تو بيكمل كلامه إلا التفت على وسن :-أنتي حامل يا البزره

ضحكوا عليه كلهم ووسن استحت منه ولا ردت عليه

أبو ندى :- مبروووووووووك علي بصير جد

فيصل يضحك بهستريا خلاهم يضحكون على ضحكه :- أي مبروك يا خال ومبروك لي 0

مسك أيد وسن وحب رأسها :- ومبروك لأحلى قمر

حب رأس خاله وأمه وقرص مضاوي بيدها :- حسابك عسير

مضاوي تفرك أيدها مكان القرصة :- أي هين كثر منها0

أبو ندى يأشر على أخته :- قومي يـا الجدة أنتي وجارتك خليني أعزمكم على بارد

أم فيصل :- بسم الله عليك بس أنا جده وأنت بتصير جد من بنتين أنا يادوب واحد

وسن وفيصل و مضاوي يضحكون على كلام أم فيصل و أبو ندى

أبو ندى مسك أيد أخته :- قومي بس بلا دلع زايد

ام فيصل تتلفت على فيصل ووسن ومضاوي وتهمس لأخوها:- فشلتني يم هـ المبزره

أبو ندى يعاندها :- شكلك بتنضربين على كبر

أم فيصل بحنية وعتب تطالع أخوها :- اخوي لا تفشلني

أبو ندى يضحك عليها :- طيب ترى أنا عازمك أنتي ومضاوي يـا الله بسرعة

أم فيصل :- إن شاء الله

أبو ندى اخذ أخته ومضاوي وطلع

فيصل بس طلع خاله وأمه ومضاوي إلا قرص خد وسن :- يعني أنا أخر من يعلم0

وسن وهي منزله رأسها :- والله ما أدري ما حسيت إلا لفه براسي والحمد الله مضاوي ساعدتني وإلا ما حد حس فيني

فيصل وهو مبسوط مع وسن جلس معاها لين نامت وتطمن عليها

طلع من المستشفى وهو مبسوط ونسى زعله وغضبه الثائر اللي كان مسيطر عليه قبل ما يعرف انه بيصير أب

رجع للبيت مبسوط ويغني صعد لغرفه أمه وضرب الباب ودخل ما شافها

شغل التكييف وجلس على سرير أمه يبي يفاجأها بوجوده ويرجع أيام أول

يوم يجي غرفتها ويونسها 0

تمدد على السرير و مبسوط على الأخر بيصير أب والدنيا مو سايعته من الفرح إلا يشوف ظرف قديم مركون على مخدة أمه

بفضول فتح الظرف وبكل علامات التعجب والغضب على ملامحه من كل ورقه يقراها 0

/

\

/

فهد دخل غرفته متضايق دخلت ريم وجلست جنبه :- فهد لا تزعل عليك بـ الصلاة والدعاء وبتفرج

فهد يغصب نفسه با ابتسامه :- لا تحاتين يا حنونة ربك يحلها هو العالم بالحال0

ريم :- فهد اشتقت لمضاوي و أبي أشوفها

فهد :- طيب بكره نزورهم و لا يهمك

ريم فرحانة:- صدق فهودي

فهد :- أكيد خابرتني اكذب

ريم وهي مبسوطة :- حاشاك الكذب أنت أحلى أخ وعزوه لي بالدنيا0

أبو فيصل دخل عليهم فجاءه:- الحين هو عزوتك يا الناكرة للجميل مو كافي أختك اللي نست أهلها وأبوها اللي عزها0

ريم خافت وارتبكت وما عرفت ترد

فهد :- يبا هي تحب ترفع معنوياتي مو قصدها تستنقص فيك0

أبو فيصل وقف قبال ريم اللي من دخل وهي واقفة ومنزله رأسها:- لا أنا اعرفها عمرها ما حبتني هي مضاوي اللي كانت دووووم معاي وتنكرت لي الحين وما تبي ترجع 0

كان يتكلم بحزن لدرجه إن ريم رفعت رأسها وتكلمت :- لا يبا كلنا نحبك بس أنت مو حاس فينا كنت أتقرب لك و أنت تبعدني ما تطالع إلا مضاوي حتى فيصل اللي أنت تكرهه يحبك وما حاولت تكسبه طالعنا قبالك أنت أبونا مالنا غنى عنك حس فينا وتشوفنا كلنا ملك يمينك0

أبو فيصل نزلت دمعه من عينه وهو يسمعها مسحها بأيده وطلع من الغرفة بدون أي تعليق0

/

\

/

حمد محتار مو عارف كيف يقنع أبوه وتعب وهو يتصل بصديقه والجوال مغلق مل من كثر ما أتصل ونفس النتيجة طلع من غرفته وضرب باب غرفه أخته ما ردت فتح الباب ومثل ما توقع مغطيه رأسها بالمخدة وما تسوي هذي الحركة إلا إذا كانت زعلانه0

جلس بطرف السرير :- سموره حبيبتي أنتي زعلانه 0

ما ردت عليه :- سمر يا الله بدون زعل إذا الله كاتب لك تتزوجيه بتتزوجينه و إذا مو مكتوب لك لا تتعبين نفسك0

سمعت كلام حمد وما قدرت تمثل أنها مو مهتمة طلعت شهقة منها وبكي بدون ما تكلم حمد 0

حمد كسرت خاطره سمر:- سمر والله أنا بعد زعلان فهد مو أي صديق ولا أي اخو الله يشهد أني أحبه و أغليه وتمنيت أبوي يوافق واكسبه أكثر بس أبوي رافض أتكلم معاه لأنه عارف أني ما راح اسكت والله ما راح ايئس وبظل ازن على رأس أبوي 0

سمر وكعادتها وتصرفاتها الطفولية رفعت المخدة وكانت وجها غرقان دموع :- صدق حمد ما راح تتركني0

حمد حركتها المفاجئه خلته يضحك عليها وحضنها :- والله يا الدلوعة ما راح اتركك0

سمر مسحت دموعها وبكل شموخ رفعت رأسها :- أصلا أنا متأكده انك ما راح تتركني بس كنت أبي أشوف غلاتي0

حمد ضحك:- والله أنتي غالية وفهد غالي والله يساعدني واقنع أبوي ونرتاح منك0

سمر وهي تبتسم :- ما تقدر ترتاح جالسه على قلبك0

حمد قرص خدها :- أحلى جلسه وربي0

/

\

/

أبو ندى بعد ما طلع مع من المستشفى هو و أخته ومضاوي مر البيت واخذ زوجته وندى وعشاهم بمناسبة حمل وسن

تعشو وانبسطوا ورجعهم البيت

مضاوي أستأذنت خالتها ودخلت غرفتها تنام أم فيصل فرحانة وحاسة إنها بتطير من السعادة وبتشوف أحفادها 0

دخلت غرفتها وهي مبسوطة شغلت الأنوار إلإ تشهق شافت فيصل جالس على سريرها وبأيده الاوراق0

فيصل وقف مقابل أمه :- ليه ما قلتي لي ؟ ليه أنا أخر من يعلم؟

أم فيصل وهي تنتفض ودمعه سبقت كلامها :- ما أبيك تنجرح

فيصل وهو يطالع أمه بعتب :- أنجرح يا أم فيصل؟

أم فيصل :- إيوه ما يهون علي أشوفك مكسور و أنت أغلى شي بحياتي0

فيصل بحزن :- من حقي اعرف السبب والحقيقة الكل يعرف وساكت و أنا عايش بعالم ثاني

أم فيصل مسحت دمعتها :- أي لازم اسكت و أربيك أحلى تربيه و أخليك فوق تعتقد ما ضحيت لك صبرت وعشت الضيم و أنا ساكتة تعبت وضحيت لك ما خليتك تحتاج لأبوك صرت أمك و أبوك و أختك و حبيبتك

اخوي أبو ندى ما قصر وقف جنبي وساندني أخذني وياك خارج المملكة ولدت في مصر وعالجني هناك وعالجك وقف معاي في كل شي في تجارتي وكان معاك في كل مراحل حياتك

مسكت أيده تجلسه وفتحت درجها وفتحت صندوق:- شوف هذا و أنت في الروضة و أنت معاي ومع خالك

وهذا و أنت في ابتدائي وو هذا و أنت بمتوسط وهذا و أنت بـ الثانوية كان اخوي هو أبوك هو من رباك ووقف معاك0

فيصل يطالع بالصور ويسترجع ذكرياته مع خاله 0

رفع رأسه في أمه :- هم من حقي اعرف كل شي ولا أكون أخر من يعلم0

أم فيصل تطمن فيصل :- ما حد يعرف هذا الشيء إلا أنا وخوالك0

فيصل يطالع في أمه :- مو مسألة ما حد يعرف المسألة أني مخدوع في أبوي و أنتي ساكتة وما تكلمتي 0

أم فيصل بحزم :- في النهاية هو أبوك وما أقدر أمنعك عنه حتى لو هو سوى فيك كذا يضل ابوك0

فيصل وقف :- تصبحين على خير يمه0

أم فيصل :- فيصل لا تزعل يا يمه هذا ماضي مثل ما نسيناه أنت انساه0

فيصل يبتسم لأمه :- يمه سامحيني راح أعوضك أنتي وخالي على كل دقيقه تعبتوا فيها0

أم فيصل نزلت دموعها قربت من فيصل وحضنته :- الله يوفقك يا رب ولا أنحرم من حسك 0

فيصل طمن أمه وطلع من غرفتها و معاه أوراق وماضي طفولته الصعبة

0

فيصل ما نام ينتظر الصبح يطلع طلع من غرفته ومعه أوراقه ومن بيتهم للمستشفى دخل على وسن وبيده دبدوب ومعاه ورد وحطه جنبها وهي نايمه جلس على الكرسي يتأمل في ملاكه النايم0

وسن فتحت عيونها ابتسم لها :- صباح الورد يا قمر

وسن تبتسم له :- إذا أنا قمر وش راح يكون ابنا

فيصل ضحك :- هههههههه فكرتك بتقوليين إذا أنا قمر كيف اللي قدامي 0

وسن تبتسم :- كنت بقول لك كذا بس خفت تغتر علي0

فيصل يضحك عليها :- طيب من حقي اغتر عندي ملاك الكل يحسدني عليها 0

وسن استحت :- فيصل خلاص

فيصل يبتسم :- فديت اللي يستحووووووون0

وسن بدلع :- فيصل أبي ارجع البيت 0

فيصل :- ما طلبتي شي الحين أخذك معاي للبيت0

هزت برأسها:- أي أبي ارجع بيتنا0

ابتسم لها وخلص أوراق الخروج وعلى طول لبيتهم 0

مضاوي و أم فيصل جالسيين يفطرون تفاجأوا بجيه وسن اللي استقبلوها بفرح وسعادة 0

أم فيصل :- وليدي اجلس ليش واقف

فيصل بابتسامه واثقة:- فرحان يا يمه عندي كل شي حلووووو أنا عندي شغل بسيط وراجع دللي أم عيالي0

أم فيصل تحضن وسن اللي نزلت رأسها مستحية :- زوجتك في عيوني لاتحاتي0

فيصل حب رأس أمه و أيدها وطلع

ركب سيارته وعلى طول عند ييت أبوه ظل جالس في السيارة متردد يدخل أو ما يدخل طالع بالورق اللي عنده ابتسم وحط الورق على الكرسي الثاني ومشى تارك جروحه تنزف

/

\

/

الكل متجهز لزواج حمد ومثل ما رتب حمد حفله صغيره وعائليه

حمد متضايق إن فهد له أسبوع وما كلمه وما يصير ما يحضر زواجه

اتصل عليه ومارد اتصل على صديقهم عمر وكلمه إن لازم يمر فهد ويجيبه إن شاء الله حتى مربط ومحمول 0

وقف ينتظر عمر عند بيتهم وما أرتاح حمد لين شاف عمر يبتسم له وهو يطلع فهد مربوط زي ما اتفق وياه0

عمر :- ربطته لك وخطفته من جنب المكتبة 0

حمد يضرب كتف عمر :- كفوا والله

عمر يضحك :- والله بتورطنا أهم شي لا يسجلون علينا قضيه اختطاف0

حمد يضحك :- لا تخاف أهم شي فهد عندي0

فهد زعلان وعمر يفك الحبل اللي رابطه فيه:- أنت أنجنيت مربطني كأنكم عصابة

حمد يبتسم :- يعني يرضيك أتزوج بدون ما توقف جنبي0

فهد يحضن حمد :- والله لو يذبحوني هلك ماتركك0

حمد :- لا والله اذبحهم ولا افقدك0

عمر يطالع فيهم :- و أنت ليه مكلف نفسك وتتزوج ما تظل بدون زواج ابرك لك0

حمد يبتسم :- بدينا بالتعليق ما يكفي من حسدك ما كلمنا بعض اسبوع0

عمر يطالعهم بعتب :- أنا الخبل اللي جايبه لك 0

فهد يبتسم ويتشمت بـــــــ عمر :- تدري المكان اللي نجتمع فيه اثنينه ننسى المتطفليين0

عمر يتوعد :- والله طلعت متطفل هين اوريكم0

حمد مسك عمر :- هدي يا أبو الشباب نمزح 0

عمر يبتسم :- ادري تمزحون مين يقدر عليكم 0

حمد فرحان أخيرا رجع فهد خويه وبيوقف وياه في عرسه0

/

\

/

البنات في المشغل يضحكون ويعلقون و أم فيصل تتوصى بـــــــ وسن

سمر :- يا عمه خلاص مو هي العروس0

أم فيصل تبتسم :- والله تبقى عروس في نظري 0

البنات يضحكون على عمتهم

وسن :- فديت أحلى عمه بالدنيا0

سمر :- والله أبي استهبل في العرس بس يا ليت كبير مو حفله صغيره

ندى زعلانه:- المفروض عرسي قبل عرس شجون بس الخاينة عرفت تلف على ولد عمي

مروه :- هههههههههه ولا يهمك نتفق ونسوي عرسنا مع بعض0

وسن تطالع في ريم ومضاوي اللي ماسكين بعض وكل وحده منبهره بالثانيه0

وسن :- والله قلت لكم أقمار ما يحتاج كل وحده تتغزل في الثانية

ريم وهي تبتسم:- بصراحة أول مره أحس أني جميله

مضاوي تضحك عليها :- أما أنا ادري أني جميله بس ما أبي أقول أخاف تحسدوني

كلهم يضحكون على كلامهم اللي ما ينتهي عن جمالهم وزينتهم ومكياجهم

/

\

شجون مو مصدقه إنها إخيرا بتصير عروس فرحانة وخايفه

أم شجون :- قمر بنتي والله حسافه مو عرس كبير

شجون تبتسم لأمها :- والله أهم شي ارتاح من عصام مو مهم عرس كبير أو صغير

أم شجون :- الله يسعدك يا بنتي و أشوف عيالك

شجون :- آمين يا الغالية لا تنسيني من دعواتك

دخل أبو شجون وسمعهم وهم يتكلمون وما قدر يمنع دمعه طاحت من عينه

:- يا رب يوفق بنتي ويفرش لها درب السعد ولا تشوف الا كل خير من زوجها يارب0

شجون سمعت صوت أبوها وهو يدعو لها وعلى طول حبت أيده و حظنته:- الله لا يحرمني من حسك ودعواتك الحلوه0

أبو شجون يمسح دمعته :- راح افقد الحلوه ودلعها ببيتي

أم شجون تبتسم:- أنا أحس دموعي ماسكتها ما أتصور بيتنا بدون دلوعتنا

شجون تطالع فيهم :- دادي مامي بليز ما أبي تنزل دموعي ومكياجي يخترب

ضحكوا عليها حتى في عز فرحتهم ما يقدرون يستغنون عن جنون شجون بينهم0

/

\

/

أم منصور محتاسه وفرحانه و مو عارفه تتصرف ترقص او تطير من الفرح أخيرا بتزوج واحد من عيالها

أم فيصل :- الحمد لله صايره أنتي العروس وش صاير؟

أم منصور :- والله محتاسه أحس أني بطير من الفرح

أم ندى :- من حقك من قدك و أنتي أم المعرس

أم منصور:- هههههههههه يا ليت منصور بعد عرسه الليلة كان الفرحة فرحتين

أم ندى:- الله يهداه أبو ندى إذا قال كلمه ما يتراجع عنها ومنصور الله يهداه صاير عنيد على طول لازق عند ندى و أبوها يعانده

أم منصور:- ههههههههههه أي ندى هبلت بولدي كان يومه يقضيه بين كتبه الحين ما أشوفه إلا يكلم ندى أو جالس ببيتكم

أم فيصل :- ههههههههههههه ولا يهمكم هو يحب ندى ويدور أي شي بس ما تطلع من بيته بس عندي اقتراح يخليه يوافق ويعجل العرس

أم منصور:- والله بسرعه دلينا عليه

أم فيصل :- اقترح عليه يزوج ندى ويخليها تسكن عندكم وصدقيني بيوافق

أم منصور :- والله جبتيها بخلي أخوه يكلمه والله كريم0

أم ندى:- و أنا بعد بزن على رأسه وبخليه يوافق

أم فيصل :- يا الله أم منصور روحي استقبلي الأهل لا تفشلينا لا تنسين أنتي أم المعرس

أم منصور :- هههههههههه ابشري باللي يسركم و الضيافه ترفع الرأس بأذن الله لاتحاتين0

وأنشغلوا بالترحيب بالضيوف اللي كانوا محدودين ومثل ما خطط له حمد0

/

\

/

حمد مبسوط و العايلة و أصدقاءه حوله فرحانيين وينتظر اللحظة اللي يزفونه على عروسته شجون0

شجون أنزفت على أنغام موسيقى هاديه وهي تبتسم بهدوء والكل منبهر بجمالها الطفولي وبفستانها اللي الكل يطالع فيه 0

المصورة تصور بشجون اللي مبسوطة وصايره مطيعة لكل تعليمات المصورة

البنات مبسوطين ويتراقصون إلا وسن اللي تطالعهم وتضحك على هبالهم وودها ترقص بس تعليمات فيصل أنها ما ترقص خلاها ما تشاركهم و عشان تحافظ على ولي العهد اللي بتهديه لــ فيصل

أم منصور زفت حمد لـــــــــ شجون

والكل مبسوط مابين فرحه شجون وحمد لحفلتهم البسيطة واللي أعطتهم

أمل جديد لبوابه أفراح عائلتهم0

وسن (( يا رب يسعدكم ويتمم عليكم بس متى يكتمل أفراحي و أستانس بحياتي مع جنيني وافرح فيصل معاي يا رب الله يهدي فيصل لي ويدوم الفرح بدنياتنا))

ندى (( على قد فرحتي بزوج شجون على قد ما ني زعلانه لأني ما بتزوج معاها كنا دوووم نحلم نتزوج وفي نفس الليلة فستانا نفس الشكل ومكياجنا نفس الشيء ونبهر الجميع صديقات وما تفارقوا الله يهداك يا أبوي لو موافق كان أنا الليلة عروس ))

مروه (( بصراحة فرحان إن حمد أخيرا بيستقر اخوي طيب وحبوب و يستاهل كل خير و أحس أني بطير من الفرحة و يا رب عبد الله يعجبه ترتيبي هذي المره وخصوصا هو من اختار الفستان يا رب اقدر أسعده ونسعد مع بعض))

سمر (( اضحك واخفي جروحي فرحانة بس فرحتي يا ليتها اكتملت بموافقة أبوي جرح رفض أبوي لـــ فهد حطم أحلامي يا رب تقدر يا حمد تغير الرفض بالقبول وارتاح يا رب))

مضاوي (( يا رب سامحني ظلمت وسن كثير وهي بطيبه قلبها احتوتني يا رب اغفر لي و أسعدها مع اخوي يا رب))

ريم (( أحس أني فراشه بعيده عن سجن أبوي الله يهديه اللي دايما يفكر بمصلحته وبس و أحنا عمره ما فكر كيف يجمعنا ويرضينا))

مشاعر مختلطة مابين ظلم الحياة وقيود الأهل ومشاكلهم ورضا بالقسمة والنصيب كلها لا تأتي بشيء أمام فرحه حمد اللي جمعته بعروسه

حمد يطالع في شجون مسك أيدها بكل حنيه :- شجون احبك

شجون اللي كل ذره بجسدها يرتجف من تصريح وحنيه حمد:- إذا أنت تحبني أنا أموت بترابك والله ما حسيت با الأمان إلا من عرفتك0

حمد يبتسم رفع أيد شجون وقبلها :- الله لا يحرمني منك يا رب

شجون استحت ونزلت رأسها

والمصورة كل حركه ما قفلت عنها وهي متشجعة 0

اكتملت الفرحه وحمد اخذ عروسته وسط فرحه أهلهم ودموعهم اللي طاحت و أولهم أم شجون اللي راح تفتقد جنون بنتها ببيتهم0

و أم حمد اللي طايره من الفرح بزواج دلوعها حمد وفرحت البنات وتشجيعهم لين طلع حمد وشجون من حفلتهم العائلية لعش الزوجيه0

/

\

/

انتهى حفل الزواج وسط فرحه الأهل ودعواتهم الصادقة للعروسين وكل هذا مرحله سعيدة خطهتا الأقدار لهم لتخفي مصير لا يعلمه إلا الله في طريق هذا الفرح الذي لا يعلمون ما مصير كل فرد بعدها0

/\

/\

/\

فيصل اخذ أمه وزوجته و أخواته من العرس وهو فرحان

فيصل :- كيف العرس إن شاء الله كل شي تمام

وسن :- طبعا عرسي أحلى بس عرسهم في بركه الله يتمم لهم يا رب

فيصل :- آمين يا رب

مضاوي:- بصراحة أنبسطنا

فيصل :- الحمد لله بس أشوف الوالدة ساكتة

أم فيصل :-هههههههههههه والله مستانسة مين قدي زواج ولد اخوي وعيالي حولي ولدي وزوجته واللي ببطنها وفوق هذا الله عوضني ببنات زي القمر الله يدومها علي يا رب ولا يحرمني من وجودكم0

ريم بكل حماس :- والله يا خالة حبيتك من كل قلبي يا ليتني تعرفت عليكِ من زمان 0

فيصل يضحك :- أشوف المنافسة شديدة على الوالدة صار معاي وسن واللي ببطنها الحين بعد خواتي ما بقى إلا فهد وتكمل الدعوه0

وسن تضحك :- ههههههههههه عمه فيصل قام يكلم نفسه

أمفيصل :- ههههههههههه لا تخاف حبيبي تضل أنت الاصل0

فيصل يضحك :- هههههههههه زين طمنتيني بصراحة خفت 0

ضحكوا من كل قلبهم سعادة غامره قلوبهم وصلوا البيت ودخلوا وهم يضحكون إلا الشغالة تكلم أم فيصل :- مدام في واحد ينتظر داخل ما في يقدر يمنع يدخل هذا يسوي مشكله واجد

فيصل دخل يشوف مين استغرب من شافه أخر شخص يتمنى يشوفه وخصوصا الليله0

|||||||||||||||||||||||||||||||||||||

أم فيصل بس شافته شهقت بقوه وريم تمسكت في مضاوي من الخوف ووسن وقفت جنب فيصل

أبو فيصل :- ما شاء الله الكل موجود ما ناقصكم إلا فهد وتكتمل جمعتكم

مضاوي :- خير يبه وش صاير؟

أبو فيصل بصراخ:- أنتي أص ولا كلمه أخر وحده أحب اسمع صوتها يالعاقه0

مضاوي :- الحين أنا العاقة لأني ما سمعت كلامك

أبو فيصل وهو مغيوض والشر يطلع من عينه :- إذا ماسكتي يا مضاوي الليلة تشهدي على روحك

مضاوي خافت ولزقت في أم فيصل :- خاله ما أبي ارجع له مستعدة أخدمكم ولا ارجع معاه0

فيصل واقف ولا تكلم بكلمه بس يطالع في أبوه بنظره مكسورة وحرقه

أم فيصل :- اطلع عن بيتي وعن حياتنا وجودك سم وما نبيك حولنا ابد0

أبو فيصل يطالع فيهم :- أي صح الحين صرت غلط وما حد يبيني كله بسبه العقربة اللي غسلت مخكم0

وسن :- أنا مو عقربه وبعدين الكل تركك لأنك أناني ما تحب الخير إلا لنفسك وما تخاف على عيالك همك تنتقم وتخطط وتخرب بيوت فكرت كيف تشوف سعادتك عيالك وين ؟

أبو فيصل:- أص ولا كلمه يا الساحرة أرتحتي الحين يوم سحرتي عيالي و غسلتي عقولهم وقسيتيهم على أبوهم

وسن ودمعه بتطيح من عينها :- ما قسيتهم عليك جيتك لبيتك معتبرتك أبوي الثاني قلت بيفتح لي قلبه قبل بيته بيعتبرني بنته مو زوجه ولده بس اللي شفته منك خلاني افقد كل أمل إني أكسبك وتحبني شفت قساوتك ومؤامرات بس عشان ولدك يطلقني ليه تبيني أموت أنا من غير ولدك أموت

أبو فيصل يضحك بقوه :- هههههههه مفكرتني الغبي اللي ساكت وراك كل كلامك ما يهز شعره في جسمي واللي أبي تعرفين شي واحد يا بنت أبو ندى ما راح أخليكِ لين تطلقين من ولدي و أزوجه وبـ تشوفين يا وسن

أم فيصل بتحدي :- ما راح يطلقها

التفتت على فيصل برجى:- فيصل لا تسويها الله يرضى عليك لا تسمع كلامه0

أبو فيصل :- فيصل ارمي يمين الطلاق

وسن شهقت بقوه والتفتت على فيصل وهي خايفة من تأثير أبوه عليه

مضاوي وريم ماسكين بعض ودموعهم نزلت وعينهم على فيصل

فيصل تقدم لعند وسن ومسك أيدها :- لا تخافين يا الغالية ما راح استبدل القمر بنجوم0

وسن نزلت دمعتها و حبت يد فيصل :- والله احبك

فيصل مسح دمعتها :- لا تبكين يا الغالية

أبو فيصل بصراخ :- قلت لك طلقها مو قلت لك تغازلها

قرب من وسن و بيرفع يده يضربها إلا فيصل مسك أيد أبوه :- يبا ليه كل خطوه تقرب مني تحرقني

أبو فيصل :- أنا أحرقك يا العاصي تعصي أبوك عشان بنت ما تسوى

فيصل بغصه في صوته وهو يكلم أبوه:- يبا أنا العاصي أنا جيت لعندك و حبيتك وسمعت كلامي وكنت بموت خالي وبطلق بنته عشانك و أنا عاصي كل محبتي لك عاصي كرهت أمي اللي تعبت علي وحاربتها وعاصي وبسبتك كرهت روحي عرفت أذيتك لأمي يبا واللي سويته عشان المال ما فكرت في ولدك اللي ببطنها يوم سويت فعايلك فيها إذا تكرها تكره ولدك في أب يخلي زوجته وولده مدمن عشان المال

أبو فيصل قام يرتجف :- مدمن

فيصل :- عرفت اللي سويته فيني خليت أمي مدمنه وهي حامل فيني عشان تلعب بفلوسها وعرفت إن خالي أبو ندى هو اللي ساعدها وهو اللي خلاك تبتعد عنا وسافر مع أمي في الخارج عالجها وعالجني بعد ولادتها فيني بسبه أن أمي مدمنه صرت مدمن وهو اللي رباني وعرفت من مضاوي انك كنت تبي تسوي سحر لزوجتي عشان أطلقها وتقول انك أبو

أبو فيصل وشرار من عينه يتطاير يأشر على وسن:- أكيد هي اللي قالت لك

ويطلع من جيبه سكين ويرفعها على وسن وسط دهشة الجميع ونظراتهم0

/

\

/

\

دقائق مأساويه ولحظات من الهم

تحرق بنارها أناس عشنا معهم أروع اللحظات

وتجعل قلوبنا تدق بعنف وكأننا بينهم

لحظات مؤلمه قاسيه تتمنون أن لا تحصل

لكن يد الأقدار تطالهم

فرحه زواج حمد وشجون هل تكتمل بوجود عصام

/

\

/

\

وسط دهشة الكل طلع أبو فيصل سكين ويلوح بيده فيه ويهدد وسن :- ما راح تعيشين يا وسن

وبسرعة وقف فيصل في الوسط والضربة اللي كانت بتوصل وسن صارت في بطن فيصل

وسن مسكت فيصل وهي تصارخ وشجون وريم سندوه وهو ماسك مكان الضربة و أبو فيصل رجع للورا إلا بضربه على وجهه :.- يا قليل الخاتمة حتى ولدك ذبحته الله لا يبارك فيك

وقف ينتفض من ضربه أم فيصل اللي صراخها عالي أهي ووسن و خواته

وسن وهي تصيح وتنتفض اتصلت بـ الأسعاف

وبعدها ما شافت شي إلا ظلام بعينها

/

\

/

شجون دخلت عش الزوجية وهي مبسوطة

حمد:- دخلي برجلك اليمين وسمي بسم الله

شجون بسعادة :- بسم الله

دخلت وهو ماسك أيدها جلسها على أول كنبه في طريقهم وجلس جنبها :- تعرفين إني انتظر اللحظة اللي تجمعنا تحت سقف واحد أنا و أنتِ بس

شجون بحيا :- و أنا بعد انتظر اللحظة اللي أكون معاك لوحدنا و أحس با الأمان و أنا في بيتي معاك0

حمد مسك أيد شجون :- يا الله قومي تفرجي على بيتك

شجون وبابتسامه من حمد طارت من الفرحة وجلست تتفرج معاه على شقتها وبكلرضا تطالع حمد والدنيا مو سايعتها 0

ليله حالمة لشجون وحمد يام انتظرها حمد و ياما انتظرتها شجون

ليجتمعوا تحت سقف واحد

صحى حمد وملاكه نايمه بجنبه حرك خصلة طايحة على عينها فتحت عينها :- حمد حبيبي

حمد بابتسامه :- صباح الورد يا عروس

شجون :- صباح النور يا عريس

حمد رفع حواجبه :- رجعنا لحركاتك كل كلمه ترددينها نفسها لي

شجون بعناد :- هههههههه أي زوجي و أقوله اللي أبيه

حمد ضحك على كلامها :- طيب بـ نشوف بعدين الكلام هذا كله بصير غير

شجون بدلع:- عادي أهم شي أكون جنبك

حمد:- ههههه طيب ما بستعجل الأيام تحكم عليكِ يا شجون

شجون :- ايوه الأيام تحكم علي يا حمد

حمد يحرك في جواله :- تصدقين تعبت اتصل على الوالدة يرسلون فطورنا ولا احد حولي حتى سمر ومروه ما يردون ومنصور و أبوي بعد شكلهم أخذوها نومه ونسونا0

شجون تضحك :- خلاص الحين أجهز لك فطور

حمد يصفر :- أو حركات شجون بنفسها و بصباحيتها بتدخل المطبخ

بصراحة فاجئتيني0

شجون:- هههههه طيب خلك من هـ الكلام بروح ارتب الفطور

حمد مسك أيدها :- وين يا قمر أولا أغراض في المطبخ ما شريت للحين لين تجين وقلت نشتري

ثانيا :- مستحيل اخلي عروسي من أول يوم تدخل المطبخ

شجون تضحك على كلام حمد :- طيب كيف تفطر يابو الشباب

حمد :- ما أبي كلمه أبو الشباب أبي كلمه حبيبي وخلاص وبعدين اقدر أتصرف بطلع أوكي وبرجع بالفطور

هزت رأسها برضى طلع حمد دخلت الحمام تروشت ولبست أحلى فستان

تعطرت وحطت لها ميك اب خفيف برز جمالها ِو أنفشت شعرها وجلست تنتظر حمد إلا شافت مفتاح الباب على الطاولة

اتصلت علىِ حمد :- حبيبي نسيت المفتاح ما أخذته بنتظرك دق الجرس وافتح لك ِ

جلست تنتظر إلا دق الجرس فتحته بسرعة إلا عصام بوجها حاولت تسكر الباب بس مافي أمل هو أقوى منها دفها ودخل

دخلت لداخل بسرعة وسكرت عليها باب غرفتها

دخل لداخل يدق عليها الباب :- ِشجون فتحي نتفاهم

إلا بضربه تجيه من حمد :- تتفاهم على إيش يا كلب

عصام من ضربه حمد طاح وقف مقابل حمد:-ِ شجون بنت عمي ومن زمان لي تحبني خذتك عشان تغيضنيِ هي لي من زمان مو مصدق اسئلها0

حمد :- أنت قليل الأدب

واشتغل الضرب من حمد وعصام وشجون لبست عباتها وتغطت وطلعت مسكت حمد :-ِلا تصدقه يا حمد أنا ما أبيه

حمد مسكها بقوه :- والكلام اللي قاله

شجون بقوه وقفت قبال حمد:- ِاسمعني للنهاية أنا مثل أي بنت تربت وهي تسمع شجون لولد عمها كبرت على كلامهم ِأحلام أني أشوف ولد عمي زوجي بس كل يوم تتضح لي الصورة وكلامهم ما صار حقيقة ما شفته إلا الولد التافه المدلل اللي كل يوم يغازل ويغلط مع بنت و أهله يتوسطون له ويطلع كرهته وعرفت إن كلام الأهل ماله أساس بحياتي

وخلاص دوره انتهى من تفكيري وشفتك عرفت انك فارس أحلامي

حبيتك وتمنيتك ويوم جيتني كنت اسعد وحده بالدنيا ويوم عرسي حسيت

أني أميره ولا همني عصام وهو بحياتي صفر لا تصدقه وتبدل حبي لك بكلام سفيه عمري ما راح احبه0

عصام وقف :- خلاص يا شجون بعد اللي سمعته الله يوفقك مع زوجك وصدقيني عصام اللي كرهتيه بيتغير

طلع عصام وهو مصدوم من كلام شجون

حمد وقف يطالع في شجون حضنها وجلسها جنبه

//

\\

//

\\

أيام

أيام تجري وصفحات تطوى و أخرى تفتح

و أحداث مضت فرحه وحزينة

وتوقعات مؤلمه

أحداث رسمتها لكم

وفي هذه اللحظة الحاسمة

كل ما تنتظرونه هو ماذا حدث

شهور

شهور مضت و أنا اكتب و أتوقف لتنتظروا للأحداث

بعين المترقبين

و أيضا هذه الشهور هي نفسها انطوت لأبطالنا

فهد :- يا الله يا الله

وسن :- ادخل فهد حياك

أم فيصل :- وش فيك فهد تدري أن البيت بيتك

فهد :- لا يا خاله الأصول ما أدخل إلا باستئذان

وسن :- ليكون فهد الصغير جننك

أم فيصل :- هذا شيطون

وسن :- عمه لا تقولين شيطون

أم فيصل :- هههههه خلوني أنا محتاسه اليوم أول العيد وكل أخواني بيجون مع عيالهم ولازم ارتب البيت زين

وسن :- عمه ليه تقولين كذا

أم فيصل :- راسي بينفجر صياح فهد ومدى لأخر الشارع

فهد:- هههههههههههه الله يخليهم لكم

وسن :- تشطر وتزوج وجيب مثلهم

فهد يتنهد:- لو عمك يوافقك كان أنا بخير

وسن تضحك عليه

أم فيصل :- خلاص يا فهد بخطبها لك من اخوي لا تحاتي

وسن بحماس:- عمتي تدخلت خلاص بتتزوج تراهم ما يكسرون كلمتها

فهد مبسوط:- حب رأس أم فيصل لا عدم يا خاله

ضحكوا على فهد اللي جلس بـ الصالة يلعب مع فهد الصغير ومدى

العائلة وصلت أبو ندى وزوجته و أبو منصور وزوجته وسمر

ندى وزوجها ومروه وزوجها و مضاوي وريم

وحمد وشجون

أكيد تتسألون عن أبطالنا وكيف حياتهم

ندى مبسوطة مع منصور بعد موافقة أبو ندى إن تسكن ندى عنده بالبيت

ومروه مع عبد الله تزوجوا وهي حامل بالشهر الرابع و مستانسه معاه

وحمد وشجون رايقين على الأخر كل يوم تدلل فيه و مهبلته على حركاتها

ومضاوي تزوجت شخص يمكن ما تحبونه بس هي مشته على الصراط المستقيم وهو عصام

كانت يوم رايحه مع وسن وشجون في بيت أهل شجون ولمحها طالعه وعجبت عصام اللي على طول خطبها ووافقت عليه واللي خلته يخاف يلتفت لأي وحده لأنها مجننته بشكوكها لمعرفتها المسبقه بحركاته وطياشته0

ريم للأن مع فهد جالسه تداريه وتنتظر ولد الحلال

وسن الله رزقها بتؤم فهد ومدى حلوين طالعين عليها وعلى فيصل

أكيد تسألون وين فيصل

فيصل بعد الضربة اللي جاته من أبوه بالسكين نزف كثير وحطوه في غرفه العناية وبقى في غيبوبه لمده أسبوع واستعاد وعيه وصحته

ورجع لحبيبته وسن اللي مو معارف يدلع عياله أو أمهم الطفلة الثالثة اللي حبها من كل قلبه

والكل متجمع في بيت أم فيصل ماعدا فيصل اللي للحين ما وصل

وبس وصل وهو معاه شخص عدو العائلة بـ النسبة لهم ولكن لــــــ فيصل ييقى هو أبوه

دخل معا ه وأم فيصل باعتراض :- فيصل هذي عيديه أمك

فيصل :- يمه أبوي اخذ جزاءه والله قبل بـ التوبة ورجع لنا نادم

واليوم أفرج عنه حاله حال اللي أفرج عنهم بيوم العيد لا ترديني يا يمه تراه راجع نادم

أبو فيصل بأنكسار :- سامحوني لأني غلطت في حقكم ما أبي غير تسامحوني

ريم ومضاوي وفهد ألتموا عليه وهو يصيح حضنهم

فيصل اخذ فهد ومدى عياله وقربهم من أبوه :- سلموا على جدوا

أخذهم من فيصل والتفت لـــــ وسن :- سامحيني يا بنتي غلطت في حقك كثير

وسن بابتسامه :- الله يسامحك

أبو ندى مسك أيد أبو فيصل وجلسه معاهم

وألتمت عائله أبو فيصل وأبو ندى وأبو منصور

ومهما بلغت الحروب بين الأهل

لازم يوم تلتم الشمل وترفرف السعادة عليهم

وهـا كذا أودع قصه عشتها و أصبحت جزء منها

بكل أفراحها وأحزانها وأحداثها

أودع شخصيات استمتعت معهم وكأني أنا معهم

بطلتهم ملهمتهم الروحية

الأن امسح دمعه لفراق أبطالي

لا أبالغ إذا قلت لكم يعز علي فراقهم

وبنهاية قصتي اشكر كل من ساعدني وشجعني

اشكر كل من قرأها وتابعها معي وانتظرني أيام كثيرة لأتممها

سامحوني إذا أطلت عليكم

وهذه النهاية الحاسمة لقصتي

» قصص واقعيه لليلة الدخله
» روايه انطم الرومنسيه الحزينه
» قصه 18شاب وفتاه في المسبح؟؟قصه واقعيه
» روايه جرحني وصار معشوقي كامله بس
» روايه في قمة الرروعه والله احبك يشهد الله علي