قصيدة أم في بنتها ليلة زواجها

أهدي هذه الكلمات البسيطة بما تحمله من وداع حار إلى من كانت نبراسا لي وعونا وسندا
في هذه الحياة فأقول لها من كل قلبي ..........
ألف ألف ألف مبروك
أهديك أنا يا عبد الله وردة البيت
بالله تكفى لا تخيب رجاها
أبيك تسعدها وبطلبك ياليت
أنك تعوضها وتحقق مناها
هذي غلاي اللي أحبه وتقصيت
يارب تجزيها وتجزل عطاها
ناظرتها والعفش طالع وصديت
ومليت من دنيا كثير عناها
في ليلة زفيتها ثم تمنيت
ربي يساعدها ويتمم هناها
وشلون أبرجع دام غابت عن البيت
عز الله أن البيت أظلم بلاها
وناظرتها والعين تدمع وهليت
مدامع هلت بسبة غلاها
قالت لي لا تبكين هلي إذا جيت
قلت إن ما بكيت ( سارة ) من أبكي عداها
يارب ثبتها على ماتمنيت
وحقق لها كل السعد يارجاها

ثانكس *__^