حلو الوحده يكون لها ريحه تميزها وتعرف فيها عند الاهل والزوج والاقارب والصديقات.... طبعا معروف انو عطر المرأه الاساسي هو الماء...فاي عطر مهما كان غالي ومميز ماتطلع ريحته الا على جسم نظيف
اسهل واحلى طرق لعمل العطور والكريمات والي تقدرين تعملينها لنفسك وتميزك عن غيرك..
ابشري عدة انواع من الصابون المفضل لك وحطيها بعلبة زجاج وامليها بالماء واتركيها عدة ايام عشان تذوب وتصير مثل البلسم تقدرين تستخدمين الصابون لجسمك او في غسيل ملابسك الداخليه
ملعقة ونصف شمع العسل يذوب بحمام مائي ثم تضيفين ملعقة **دة الكاكاو واخلطيها مع بعض واذا ذابت ابعديها عن الناروتضيفين لها ملعقة زيت جوز الهند ,15 نقطه من زيت الزعتر,و15 نقطه من زيت اكليل الجبل,و25نقطة من زيت الخزامى وثلاث نقط من زيت الخروع اخلطيهم زين ثم صبيهم في علبه خاصة بمزيل العرق
كريم ماء الورد للجسم علبة لوشن من بيبي جونسون_علبه بيبي اويل- كاس ماء ورد ربع توله مسك او خزامى تخلط مع بعض بعد الاستحمام يدهن الجسم بالكريم ثم يغسل بماء فقط دون دعك
زيت مسك العروسه للجسم علبة زيت لوز تولتين مسك العروسه-ربع توله مسك روز ربع توله مسك الزهور-نصف فنجان مسك جامد مبشور نقطتين دهن العود تخلط مع بعض ثم تحفظ مدة يومين بعدين تستخدم بعد الاستحمام
كريم مرطب ماله ريحه زي كريم الجليسوليد الاحمر او كريم الهملايا او كريم بيبي جونسون الوردي ومسك بالريحة الي تفضلينها ممكن مسك روز و مسك انانيا او بودرة دهن العود من عبدالصمد ( يعني على حسب الريحه الي تعجبك) وزيت بيبي جونسون الوردي
تخلطي الكريم بالزيت وتحطي نقط من المسك او مقدار ملعقة صغيرة من البودرة وبس وصار عندك لوشن بعطرك الي تحبيه وامشي بالبيت واعتبري نفسك فواحة
جيبي لوشن جليسوليد بالمسك واضيفي عليه تولة مسك بالتوت من زهور الريف
كوب مسك مطحون نصف كوب هيل مطحون نصف كوب بودره الاطفال نخلطهم مع بعض في الخلاط ونضعهم في العلبه وبعدها تستعمل لكل شئ للجسم والملابس ولطفال وبعد الاستحمام
وعشان تقدرين تسوين عطرك لازم يكون عندك كحول نقي ( موجود عند محلات الي تبيع العطور مثل اسرتي .. اجمل...الخ ) زيت عطري سوآء كآن دهن عود أو زيت عطر فرنسي أو زيت عطر فوآكه أو ورد ... الخ علبه فاضيه قمع
صبي في العلبه الزيت العطري الى الربع يعني الزيت يكون ربع العلبه وثلاث ارباع كحول وسكريها اتركيها يومين في مكان بارد ومظلم ثم استخدميها
تقدرين تخلطين اربع اوخمس من الزيوت العطريه لعطورك المفضله في علبه وتخلطينها زين وتسكرينها وتحفظينها بمكان بارد ومظلم لمدة اسبوع بعدها تقدرين تستخدمينها مركزه اوتضيفين لها كحول نقي عشان تخف او تضيفين نقط لكريمك الغير معطر مثل جلوسوليد او فازلين او لسيروم الشعر