السلام عليكم ورحمة الله وبركاته



في موضوعي اليوم جمعت لكم خلاصة تجارب البنات جزاهم الله عنا كل خير للمقشر إكراتين وهو يعتبر مثل مفعول مقشر رتنA

الإكراتين يستعمل للتخلص من اثار الحبوب لانه يقشر طبقة الجلد العليا ويسمح بنمو طبقة جديدة نضرة..

طبعا" ياحبيباتي هذه التجارب حصيلة بحثي هنا في المنتدى وفي منتديات آخرى وأتمنى أن تستفيدوا منها ولاتبخلوا

علي بالدعاء

نبدأ الآن مع تجارب البنات .. بسم الله

1
سلام يااحلى بنوتات
بدخلكم بالموضوع ونتيجة تجاربي
انا كتير خسررررت بالتقشير كل انواعه وجلسات وشهور ولسنه ونص
وغير كدا العلاجات والله العظيم ولااي نسبة تحسن بس انو احس بشرتي نظيفه وناعمه مؤقتا
انا كانت مشكلتي عندي حبوب بوجهي من كترها سببت لي حفر في الخدود وصار شكلي مرررره
وجهي محفر اول مره بحياتي تسير لي
المهم كنت باليوم اشوف المرايا مليون مره على امل انو الحفر تكون راحت لكن دوووون جدوى
قمت قررت وكان عندي جلسة كرستال للمره 3 انو مااكمل بطلت نهائيا
وطبعا انتو كمان عارفين فرق الاسعار بالجلدية كوني في استراليا
فكلمت اختي بالسعوديه وقولتلها تشترلي العلاج القديم الي كتبتوا ليه الدكتوره وهو مرهم ورسلتو
والله العظيم يابنات انو اليوم كملت 14 يوم وانا استخدمو يوميا قبل النوم ونتيجتو مابينت معايه الا
باليوم 12 اشوف وجهي الاقي الحفر شبه اختفت ويمين الله كنو تبدل جلدي ووصارت الحفر مررره
مختفيه ومابقي الاشي خفيف يعني بنسبة 95% تتخيلووو
مع انو عجزت اعالج بشرتي وقولت خلاص مافي امل بجلس كدا ع طووول
لكن الحمدلله على كل حال <<< قالت قصة حياتها بس ايش اساوي من الفرحه
ابغاكم تستفيدوا زي ماستفدت وماتخسروا انفسكم بجلسات التقشير دون فايده
والله ماكتبت التجربه الابعد ماكملت 14 يوم
وبالله يابنات من فرج عن مسلم كربة من كرب الدنيا فرج الله عليه كربة من كرب يوم القيامة
الكريم اسمو ( كريم اكرتين لعلاج حب الشباب ) + واقي الشمس عشان لمن تخرجي بالشمس لازم تحطي الواقي عشان ماتكون النتيجه سلبيه
ومفعولو مقشر زي الرتين A للتنبيه \ حيكون وجهك لمن تحطيه حار مررره كنو عليه نار ودقايق
وتروح الحراره وينشف وطوال فترة العلاج ماتستخدمي اي شي تاني لوجهك لانو يحرقكي
لانو انتي بمرحلة تقشير للحفر وحب الشباب فأستحملي وشوفي احلى النتايج
والي مايناسبها او خايفه لاتجرب عشان ماتدعي علي انا فقط حبيت اكتب تجربتي
اللهم بلغت فأشهد

2
فعلا رووعه ...ويجدد البشره ...وينفع بديل عن جلسات التقشير لانو يعطي نفس النتيجه وبسعر ارخص ...

3

ممتاز جدا هذا الكريم انا جربته لمدة 3شهوروصارت بشرتي رووووووووووووووووعه
بس استخدمي معه كريم الدوكين فورت ايبيض البقع الي في الوجه
بس يبيله صبر لانه بيقشر الوجه ويحمر وما تتعرضي للشمس ولا تستخدمي المكياج ولاتقربيه من الفم والعين انتبهي
وهذا صورته


[ندعوك للتسجيل في المنتدى أو التعريف بنفسك لمعاينة هذه الصورة]


استخدمي وانتي مغمضه انا صرفوا الي الدكتور عن حب الشباب

واهم شي انو طبي افظلك من الكريمات الثانيه




طريقه الاستخدام
طريقة استخدامة:-

طبعا" يابنات أنتو مثل ماهو مكتوب أنه كريم مقشر معناته وجهك بيقشر فترى العلاج عشان كذا لا تستخدمين أي كريمات أو أشياء طبيعية فترة العلاج لأنو البشرة بتكون متهيجة وحمراء ..

و ترى أول ماتحطينه على وجهك بيكون حار وبتحسي بلسع يعني هذي اعراض طبيعية..

وهذي ردود بعض البنات عن طريقة استخدامه..

1

حبيبتي لاتغسلين وجهك بغسول ولا تحطين كريمات ابد ....
بس اغسلي وجهك بالمووويه انا كذا قالتلي الدكتوره

وحطي فازلين بوجهك ساعه عشان يخفف الاحمرار

2

عمتي فيها حبوب وبقع كثيرة راحت عند دكتور جلدية كتبلها اكراتين بس قالها لاتحطيه لحاله انتبهييييي
قالها حطي في كف يدك شوية من اكراتين مع اي كريم للجسم مرطب ماله ريحة زي نيفيا او جليسوليد وحطيه على جسمك كل يوم
هادي الطريقة الصح وهيا من امس بدات تستخدم الكريم
3
طريقة إستخدام الإكراتين بنفس طريقة استخدام الريتن لذا يوضع طبقة رقيقة على الوجه ويفضل وضعة قبل النوم وعدم التعرض لأشعة الشمس نهائيا وإذا أردتي الخروج في الشمس فلا بد من وضع واقي شمس ذو درجة حماية عالية..

في البداية راح تحسي بلسع وكأن وجهك يحترق وهذا شئ طبيعي جدا لما يبدأ وجهك يقشر استخدمية يوم ورا يوم ويستخدم لمدة شهر واحد..

وهذي صورة الكريم يابنات وسعره بالضبط 17 و65 هلله ,, وطبعا يحسبونه لك ب 18 ريال
[ندعوك للتسجيل في المنتدى أو التعريف بنفسك لمعاينة هذه الصورة]


وبما أني قلت في بداية موضوعي ان الإكراتين شبية بالرتن ا فهذا طريقة إحدى الأخوات في استخدام الريتن ا ويستخدم الإكراتين بنفس الطريقة


من زمان ماكتبت موضوع... بس شد انتباهي كثرة استفسارات البنات عن الريتن_اي وطريقة استخدامه...

وحبيت إني أفيدكم...

انا عندي الطريقة الصحيحة لأستخدام الريتن - اي خصوصا" بالصيف.. وهذي الطريقة من بروفسور مختص في الأمراض الجلدية..

هو وصف لأختي الريتن_اي مع كريمات أخرى بغرض تفتيح بشرتها لأنه وجهها كان أسمر من الدوام والشمس..



أول شي طلب منها تبدأ في الويك إند علشان لاتظهر في الشمس وإذا قدرتي تاخذين إجازة 3 أيام... قبل الويك اند او بعده... يعني أهم شي اول خمسة أيام ماتطلعين بالشمس...

أوكي... نجي للطريقة...

# أول خمسة أيام تحطين الرتن_أي قبل النوم على بشرة نظيفة ويترك لمدة نصف ساعة ثم تغسلينه وتنامين.

# ثاني خمسة أيام تحطينه قبل النوم ويترك لمدة ساعة ثم تغسلينه وتنامين.

# وآخر خمسة أيام تحطينه قبل النوم ويترك لمدة ساعتين ثم تغسلينه وتنامين.

يعني المدة كلها 15 يوم ويكون بالتدريج... وعند الظهور للشمس إستعمال حماية بقوة 100%.


**هذا بالنسبة لأستخدام الرتن_إي بروحه (بغرض التقشير)..


أما لأستخدام الريتن _أي مع كريمات أخرى بغرض التفتيح وتصفية البشرة..

نتبع نفس الطريقة السابقة ولكن بعد غسل الريتن_اي نحط كريمات التفتيح (طبية) وننام فيهم..


ملاحظه مهمة

*النساء الحوامل لا تستخدمه..
*أثناء فترة العلاج يمنع منعا باتا التعرض لأشعة الشمس..
* ينصح بعدم إستخدام اي علاج آخر حتى لوكانت مواد طبيعية وذلك للحصول على نتائج أفضل..
* يفضل إستخدامة في فترة الليل اي عند النوم..

في النهاية أتمنى يابنات أني قد وفقت في طرح هذا الموضوع وهو كله بتعبي وجهدي وأنا بإذن الله سأبدأ به ولكن ليس الآن لأني الآن استخدم كريمات خاصة ..

يسلمووو امووله

الله يسلمك